Akèy / Aktyalite / AYITI/ ENSEKIRITE : DIREKTÈ JENERAL PNH LA MANDE YON TITAN POU REZOUD PWOBLÈM MATISAN

AYITI/ ENSEKIRITE : DIREKTÈ JENERAL PNH LA MANDE YON TITAN POU REZOUD PWOBLÈM MATISAN

 

 

Nan yon konferans pou laprès li bay jounen lendi 9 me 2022 a, direkte jeneral Lapolis la, Frantz Elbé, mande popilasyon an yon ti tan tou kout pou sityasyon k ap dewoule nan Matisan depi yon lane a kapab remedye.

 

Sa gen yon lane depi nèg ak zam fè sa yo pito, anba je otorite yo, nan rantre sid kapital la. Kesyone sou sityasyon sa a, chèf Lapolis la mande yon ti delè tou kout.

«… Se yon sityasyon ki pwewokipe gouvènman an, popilasyon an ak Lapolis la an jeneral. Mwen konnen popilasyon an about. Li pa ka tann. E enpasyans sa li jistifye. Nou konprann li. Nou tou senpleman ap mande popilasyon an kwè nan Lapolis la. N ap mande yon ti tan tou kout», deklare DG Lapolis ki, pi lwen, souliye li konnen popilasyon an enpasyan men l ap mande yon ti delè tou kout pou sityasyon an kapab remedye.

 

Yon lòt kote, Frantz Elbé te entevni tou sou sa k ap pase plènkildesak la. « Pou sa k ap pase plènkildesak la, Lapolis pran sa an men rapidman pou evite sityasyon an dejenere», esplike Frantz Elbé.« N ap rasire popilasyon laplèn nan n ap ranfòse dispozitif sekirite a chak jou e chak jou n ap plis menasan anvè gang nan plèn nan», kontinye DG Lapolis ki fè konnen, yon lòt bò, fòk lòd retabli nan plèn nan e nan tout peyi a.

 

Apwopo Dieuva Occidor

Ou ka gade tou

AYITI/ZEN: MOUN YO PA RIVE IDANTIFYE KASE YON LÒT FWA PLIZYÈ BIWO NAN PALÈ JISTIS PÒTOPRENS.

Nan lannwit madi 10 pou rive mèkredi 11 me 2022 a, moun yo pa rive …