Akèy / Aktyalite / AYITI/ ASASINA : PREMYE PITIT GASON DEFEN JOVENEL MOÏSE LA EKRI ENTÈNASYONAL POU MANDE SEKOU NAN ANKÈT ASASINAY PAPA L

AYITI/ ASASINA : PREMYE PITIT GASON DEFEN JOVENEL MOÏSE LA EKRI ENTÈNASYONAL POU MANDE SEKOU NAN ANKÈT ASASINAY PAPA L

Premye pitit gason ansyen prezidan repiblik la Jovenel Moïse, Joverlin Moïse, fè konnen li ekri rapòtè Nasyon Zini yo sou endepans jij ak avoka k ap ede limyè fèt sou asasinay papal defen Jovenel Moïse, sèt (7) jiyè 2021 an, lakay li nan Pèleren senk (5) komin Petyon Vil.

 » nou espere Nasyon Zini, epi plizyè enstitisyon Leta nan lòt peyi ap angaje yo nan pote kontribisyon nan ankèt la », daprè sa Joverlin Moïse, ekri sou kont Twitè li.

Joverlin Moïse, ki fè konnen li voye yon kòrespondans bay rapòtè espesyal sou endepans jij ak avoka yo, Diego García Sayán, pou mandel sipò li nan ankèt sou asasinay papal. Nan kòrespondans lan, Joverlin Moïse, siyale Diego García Sayán, ke rive ankete ak tout serye sou asasinay papa l nan peyi Ayiti, pa yon bagay fasil paske asasen yo se mèt sistèm jistis la.

Pou fini, Joverlin Moïse, mande pou yo kontakte rapid vit otorite yo nan peyi Ayiti, pou alète yo sou atak ak entimidasyon k ap fèt ki lakoz anpil laperèz kay moun k ap chache verite sou lanmò papal.

Apwopo Dieuva Occidor

Ou ka gade tou

AYITI/POLITIK: DIRIJAN SDP YO AP RANJE KABANN YO POU YO PA DÒMI DEYÒ

Dirijan sektè ki pote non sektè demokratik epi popilè a, rankontre jounen mèkredi 19 janvye …