Akèy / Aktyalite / LEMOND/ JISTIS: FOUTBOLÈ KARIM BENZEMA KONDANE POU YON LANE NAN PRIZON AKOZ YON VIDEYO PÒNO L KITE PRAN LARI

LEMOND/ JISTIS: FOUTBOLÈ KARIM BENZEMA KONDANE POU YON LANE NAN PRIZON AKOZ YON VIDEYO PÒNO L KITE PRAN LARI

Foutbolè Karim Benzema, jije koupab pou konplisite deli tantativ chantaj devan tribinal jidisyè vèsay jounen mèkredi 24 novanm 2021 nan kad dosye videyo pòno « sèkstep » Mathieu Valbuena a, atakan Real Madrid la ap gen pou peye yon amann 75 000 ewo e li kondane ak yon lane prizon avèk »sursis ».

Plis pase 6 lane, depi dosye sa ap fè anpil tole nan laprès e yon mwa aprè pwosè koreksyonèl la, Karim Benzema konnen sò tribinal koreksyonèl vèsay rezève pou li, aprè li rann vèdik li jounen mèkredi a.

Absan pandan pwosè a, entènasyonal fransè a jije koupab pou konplisite deli tantativ chantaj. Parapò ak sa, li kondane pou l pase yon lane avèk »sursis » nan prizon e l ap gen pou peye yon amann 75 000 ewo. Avoka sipèsta fransè a, bò kote pa yo, anonse kliyan yo a prale an apèl.

Kondanasyon sa p ap anpeche Karim Benzema jwe pou Lafrans, daprè sa Noël Le Graët, prezidan federasyon fransè a te raple.

Gen kat lòt moun ki jije koupab nan kad dosye sa : Axel Angot ( 2 lane prizon fèm), Mustapha Zouaoui ( 2 lane ak 6 mwa prizon fè m), Karim Zenati ( 15 mwa prizon fè m) ak Younes Houass( 18 mwa prizon avèk »sursis »), rapòte jounal l’Équipe.

Jackson junior Rinvil

Apwopo Dieuva Occidor

Ou ka gade tou

AYITI/ KIDNAPIN: TWA (3) MOUN KIDNAPE, PAMI YO ANSYEN MADAN DEFEN PREZIDAN RÉNÉ PRÉVAL

Gen twa (3) ka kidnapin ki fèt pou piti nan Pòtoprens jounen jedi 25 novanm …